५ जेठ, बाँके । बाँकेको राप्तीसोनारी गाँउपालिकामा उदघोषण तथा पत्रकारिता तालिम शुरू भएको छ ।
सलाम मिडिया प्रा. ली.को आयोजना, नील खबर अनलाईन मिडिया प्रा.लि. को सहजिकरण तथा राप्तीसोनारी गाउँपालिका वार्ड नं. ६ को आर्थिक सहयोगमा सात दिने तालिम शुरू भएको आयोजकले जनाएको हो ।
Advertisement
शुक्रबार एक उद्धघाटन समारोह पश्चात शुरु भएको तालिमका सहभागीहरुलाई उदघोषण र पत्रकारिता विषयक प्रशिक्षण गरिने आयोजकले जनाएको हो ।
तालिममा नेपाल पत्रकार महासंघ लुम्बिनी प्रदेशका उपाध्यक्ष शुक्रऋषि चौलागाई, रामु ओली लगायतले प्रशिक्षण गरिरहेका छन । प्रशिक्षक अनुसार ३० जना सहभागी रहेका प्रशिक्षार्थीहरुलाई तालिममा उद्धघोषण गर्ने सिप सिकाउने, समाचार लेखन, पत्रकारिताको मुल धर्म लगायतका बिषयमा प्रशिक्षण गर्ने जिम्मेवारी पाएका छन ।
Advertisement
उद्धघाटन समारोहमा राप्तीसोनारी गाँउपालिका वडा नं.६ का वडाध्यक्ष लवराज खरेल, सिद्धेश्वर क्याम्पस सिधनवाका प्रमुख टेकराज पंगक्ती लगायतको उपस्थिति रहेको थियो ।
मिडिया पार्टनरमा नील खबर अनलाईन मिडिया प्रा.लि. द्वारा सञ्चालित नाईल खबर डट कम रहेको छ ।
Advertisement
टिप्पणीहरू