अशोक राई नेतृत्वको जसपा दर्ता यथास्थितिमा राख्न सर्वोच्चको आदेश

२ जेठ, काठमाडौँ । जनता समाजवादी पार्टी (जसपा) नेपालका अध्यक्ष उपेन्द्र यादवले पार्टी फुटाउने अशोक राई पक्षको कदम र निर्वाचन आयोगको मान्यताविरुद्ध सर्वोच्च अदालतमा दायर गरेको रिटमा जनता समाजवादी पार्टी दर्ता यथास्थितिमा राख्न अल्पकालीन अन्तरिम आदेश जारी गरेको छ ।

सर्वोच्चका न्यायाधीश विनोद शर्माको इजलासले आज निर्वाचन आयोगले वैशाख २४ गते गरेको निणर्य र सोका आधारमा भएका काम कारबाही जहाँ जे-जस्तो अवस्थामा छ, सोही अवस्थामा राख्नु भनी अल्पकालीन अन्तरिम आदेश जारी गरेको हो ।

Advertisement

इजलासले थप छलफलका लागि दुवै पक्षलाई जेठ ८ गते बोलाउन आदेश समेत दिएको छ ।

Advertisement