१२ मंसिर, बाँके । बाँकेको कोहलपुरबाट लागूऔषध सहित एक जनालाई प्रहरीले पक्राउ गरेको छ ।
ठुलो मात्रामा लागू औषध चरेस र अफिम सहित कोहलपुरबाट पलाता गाउँपालिका वडा नं. ३ कालिकोटका ४९ वर्षीय धन रोकायालाई कोहलपुर नगरपालिका वडा नम्बर ११ स्थित पुरानो बसपार्क नजिकबाट पक्राउ गरिएको प्रहरीले जनाएको छ ।
Advertisement
पक्राउ परेका रोकायाको साथबाट ३ किलो २ सय ग्राम लागूऔषध चरेस जस्तो देखिने कालो पदार्थ र १ किलो ९ सय ग्राम अफिम जस्तो देखिने कालो गिलो पदार्थ बरामद गरिएको ईप्रका कोहलपुरका सूचना अधिकारी देवराज भट्टराईले जानकारी दिए ।
रोकायाको साथबट बोल्ट लेखिएको डिजिटल तौल मेसिन १ थान, पोको कम्पनीको निलो रङ्गको टच मोबाइल १ थान र नगद २५ हजार रुपियाँ पनि बरामद भएको कोहलपुर प्रहरीले जनाएको छ ।
Advertisement
ईलाका प्रहरी कार्यालय कोहलपुर र लागूऔषध नियन्त्रण ब्यूरो शाखा कार्यालय नेपालगञ्जको संयुक्त प्रहरी टोलीले रोकायालाई नियन्त्रणमा लिएको थियो ।
Advertisement
टिप्पणीहरू