१ बैशाख, बाँके । बाँकेको नेपालगञ्जमा चैत्र १२ गते भएको सृजना बुढा मगरको मृत्यु घटनाका फरार प्रतिवादीलाई बाँके प्रहरीले पक्राउ गरेको छ ।
नेपालगञ्ज उपमहानगरपालिका–१२ कोरियनपुरमा भएको सृजनाको मृत्यु प्रकरणमा प्रहरीले थप दुई जना अभियुक्तलाई पक्राउ गरको जिल्ला प्रहरी कार्यालय बाँकेले जनाएको छ ।
Advertisement
पक्राउ पर्नेमा फरार रहेका ५० वर्षीय रहमद ढपाली र २१ वर्षीय मो. आदिल ढपाली रहेका जिल्ला प्रहरी कार्यालय बाँकेका निमित्त सूचना अधिकारी एवं प्रहरी निरीक्षक रमेश विष्टले जानकारी दिए । उनका अनुसार पक्राउ परेका उनीहरू मृतकका प्रेमी आरिफ ढपालीका बुवा र भाइ हुन् ।
यसअघि नै प्रहरीले अनुसन्धानका क्रममा संलग्नताको आशंकामा मृतक सृजनाको प्रेमी आरिफ ढपाली, उनकी आमा र दिदी सहित तीन जनालाई नियन्त्रणमा लिइसकेको छ । अब पक्राउ परेका दुई जनासहित घटनामा संलग्न पाँच जना माथि अनुसन्धान भइरहेको जिल्ला प्रहरी कार्यालय बाँकेले जनाएको छ ।
Advertisement
चैत १४ गते राति करिब ११ बजेर ३५ बजेको समयमा कोरियनपुर स्थित सडकमा २२ वर्षीया सृजना बुढा मगर जलेको अवस्थामा मृत फेला परेकी थिइन्
Advertisement
टिप्पणीहरू