८ असोज, बाँके । बाँकेको नेपालगञ्जमा हुण्डी कारोबारमा संलग्न दुई जनालाई प्रहरीले पक्राउ गरेको छ ।
नेपालगञ्ज उपमहानगरपालिका वडा नं.४ गणेशपुरबाट मोहम्मद कादिर सिद्दिकी र मोहम्मद हबिब सिद्दिकीलाई नियन्त्रणमा लिएको जिल्ला प्रहरी कार्यालयले जनाएको छ ।
Advertisement
बाँके प्रहरी अनुसार मोहम्मद कादिर सिद्दिकीलाई तलासी गर्ने क्रममा उनले बोकेको कालो झोलाबाट नेपाली रूपैँया नौ लाख र मोहम्मद हबिब सिद्दिकीको घरमा तलासी गर्दा नेपाली रूपैँया सात लाख दस हजार दुई सय पचपन्न र भारतीय रुपैया उनान्साठी हजार पाँच सय बरामद गरेको हो ।
यसका साथै बिभिन्न बैंकमा बिभिन्न ब्यक्तीका नाममा जम्मा गरेका बैंक भौचर, बैंकका टोकन बरामद गरेको प्रहरीले जनाएको हो ।
उनीहरुको साथबाट नेपाली.रूपैया १ लाख १० हजार २ सय ५५ र भारतीय रुपैँया ५९ हजार ५०० सहित उनीहरुलाई प्रहरीले पक्राउ गरेको हो ।
Advertisement
उनीहरु माथि आवश्यक अनुसन्धान एवं कारवाही प्रक्रिया अगाडी बढाईएको बाँके प्रहरीले जनाएको छ ।
Advertisement
टिप्पणीहरू