१७ मंसिर, काठमाडौँ । अर्थ मन्त्रालयले सडक बत्तीको महसुल बक्यौता सम्बन्धित पालिकाबाटै उठाउन निर्देशन दिएको छ ।
मन्त्रालयको गत २२ कात्तिकको निणर्यबाट सडक बत्ती सहित विभिन्न सरकारी निकायबाट नेपाल विद्युत् प्राधिकरणलाई भुक्तानी हुन बाँकी बक्यौता रकम सम्बन्धित कार्यालयबाट नै असुलउपर गर्न निर्देशन दिएको हो ।
Advertisement
सरकारी कार्यालय मध्ये सबैभन्दा बढी विद्युत् महसुल बक्यौता सडक बत्तीको छ । देशभर कूल तीन सय ३१ पालिकाको गत असार सम्मको सडक बत्तीको बक्यौता रकम ६ अर्ब आठ करोड बराबर छ ।
प्राधिकरणले आफ्नो तेस्रो वित्तीय पुनःसंरचनाको एउटा प्रस्तावमा सडक बत्तीसहित सरकारी कार्यालयको नाममा रहेको महसुल बक्यौता सरकारसँगको हिसाबमा मिलान गर्ने उल्लेख थियो ।
Advertisement
टिप्पणीहरू