२५ फाल्गुन, काठमाडौँ । त्रिभुवन विमानस्थलको सुरक्षा व्यवस्थापनमा कडाइ गरिएको छ । पोखराबाट काठमाडौं फर्किने तयारीमा रहेका पूर्वराजा ज्ञानेन्द्र शाहलाई स्वागत गर्ने तयारी भएपछि विमानस्थल क्षेत्रमा कडाई गरिएको हो ।
हवाई टिकट भएका यात्रु र स्टाफ बाहेक अरूलाई एयरपोर्ट भित्र प्रवेशमा निषेध लगाइएको छ ।
Advertisement
प्रहरीले त्रिभुवन अन्तर्राष्ट्रिय विमानस्थलदेखि महाराजगन्जस्थित निर्मल निवाससम्मको क्षेत्रलाई उच्च सुरक्षा संवेदनशील मान्दै सुरक्षा व्यवस्था कडा पारेको हो ।
कुनै किसिमको हुलहुज्जतपूर्ण, गैरकानूनी तथा सामाजिक मर्यादा विपरीतका कार्य हुन नदिन विमानस्थल वरपर सुरक्षा व्यवस्था कडा पारिएको प्रहरीले जनाएको छ ।
Advertisement
पूर्वराजा ज्ञानेन्द्र शाह पोखराबाट काठमाडौं फर्किंदा राजावादीहरूले भव्य स्वागत गर्ने तयारी गरेका छन् ।
अपराह्न साढे ३ बजे समिट एयरको चार्टर्ड उडानबाट काठमाडौं आउन लागेका उनलाई राष्ट्रिय प्रजातन्त्र पार्टी (राप्रपा), राप्रपा नेपाल लगायत दलका कार्यकर्ता र राजतन्त्र समर्थकहरुले भव्य स्वागतको तयारी गरेका छन्।
Advertisement
अहिले त्रिभुवन विमानस्थलबाहिर ठूलो संख्यामा भीड जम्मा भएको छ ।
Advertisement
टिप्पणीहरू