धार्मिक स्थलमा मेलाको आडमा जुवा, प्रहरी नै संरक्षक

नाईल खबर

३ महिना अगाडि

२ मिनेट पढ्ने समय

६ असोज, बाँके । पश्चिम नेपालकै प्रसिद्ध शक्तिपिठ बागेश्वरी मन्दिरको परिसरमा आजदेखि सञ्चालनमा आएको मेलामा जुवा खलाइएको पाइएको छ ।

नेपालगञ्ज उपमहानगरपालिका वडा नं. २ स्थित बागेश्वरी मन्दिरको पार्किङ स्थिल परिसरमा घरवारीटोल युवा समितिले विजय दशमी तथा शुभ दिपावलीको उपलक्ष्यमा सांस्कृतिक कार्यक्रम सहितको मिनि महोत्सव आज देखि सञ्चालन गरेको छ । मेला असोज ४ गते नै सञ्चालन हुने बताइएको भएपनि अपूणर् तयारी सहित आज असोज ६ गते सञ्चालनमा आएको छ ।

मन्दिर परिसरमा सांस्कृतिक कार्यक्रमको नाममा अश्लिल भोजपूरी गीतमा नृत्य प्रदर्शन र जुवा सञ्चालन गरिएको छ । जुवा स्टल छेउमै प्रहरीको टोली भने मुकदर्शक बनेका छन ।

वडा प्रहरी कार्यालय नेपालगञ्जको टोली कै अगाडि जुवा खेलाइरह्दा चुइक्क समेत नगरेपछि प्रहरीकै संरक्षण र सेटिङमा अवैध जुवा सञ्चालन भएको मेलामा पुगेका दर्शकले नाईल खबरलाई जानकारी गराए ।

त्यहाँ जुवा खेलाइरहेको देखिरह्दा समेत नदेखेको जस्तो प्रहरीको व्यवहार थियो ।