१ चैत्र, बर्दिया । बर्दियाको बढैयाताल गाँउपालिका वडा नं. २ मा आगलागी पीडित परिवारलाई जनप्रतिनिधि र समाजसेवीले सहयोग थालेका छन ।
शिवरात्रीको दिन फुट्हा स्थित बटनीखल्लामा बिहान ८ बजेको समयमा खाना पकाउने क्रममा ग्यास लिक भएर आगलागी भएको थियो ।
Advertisement
रतन राना क्षेत्रीको फूसको घरमा भएको आगलागीबाट लाखौंको धन र वस्तु नष्ट भएको गाँउपालिका प्रमुख हिमालय त्रिपाठीले नाईल खबरलाई जानकारी गराए ।
उनले जानकारी गराउदै भने, ‘हामीले धेरै हारगुहार गर्यौ तर बचाउन केही गर्न सकिएन ।’
जस पश्चात अध्यक्ष त्रिपाठीको नेतृत्वमा तत्काल उक्त पीडित परिवारलाई खाद्यन्न, लत्ताकपडाको व्यवस्था गरिएको जानकारी गराए । उनले पीडित परिवारका लागि घर समेत बनाईदिने बताएका छन ।
Advertisement
घर बनाउनका लागि संयुक्त श्रमदान गरेर निर्माण गर्न थालेको उनले जानकारी दिए । उनले भने, ‘यसमा सबैको सहभागिता र योगजान छ ।’
विशेषगरी बढैयाताल गाँउपालिका वडा नं. २ का वडाध्यक्ष डिलादेव गिरी, वडा नं. ६ का वडाध्यक्ष शुक्ला सापकोटा, समाजसेवी विनु पाण्डे, रतन जैसी लगायत त्यहाँका स्थानीयहरुको सहकार्यमा पीडितलाई सहयोगमा जुटेका पालिका अध्यक्ष त्रिपाठीले जानकारी गराए ।
Advertisement
उनले भने, ‘गाँउपालिका पीडितको पक्षमा छ भन्ने अनुभुति दिलाउनको लागि हामी सबै श्रमदानमा जुटेर घर निर्माण थालेका छौँ ।’
आगलागीबाट घर जलेपछि उक्त छ जनाको परिवार त्रिपालमुनी बसिरहेका पीडितले बताएका छन । पीडित परिवाका अनुसार घर बनाउनका लागि सिमेन्टका पिलर हालिएको छ ।
विदेश जानको लागि राखिएको २ लाख रुपैँया र कागजपत्र समेत जलेर नष्ट भएको बुझिएको छ ।
Advertisement
टिप्पणीहरू