१४ पौष, बाँके । नेपालगञ्जमा सञ्चालित छैठौँ नेपालगञ्ज महोत्सव २०८० मा आज चर्चित नायक एवं मोडल पल शाह लगायतका कलाकारहरुको प्रस्तुति रह्नेछ ।
महोत्सवको दशौं दिन विभिन्न राष्ट्रिय ख्याती प्राप्त एवं स्थानीय कलाकारको बेजोड प्रस्तुतिले शनिवार दर्शकहरु रमाउने आयोजकले विश्वास लिएको छ ।
Advertisement
आयोजकले जारी गरीरहेको क्रमिक तालिका अनुसार आज नायक पल शाह, गायिका बिमिता घर्ती मगर, मोडल एवं डान्सर रेशम नेपकिंग, मोडल एवं डान्सर रितु शेरपाली, मोडल मेघना, म्युजिक डाइरेक्टर नवराज सुवेदी लगायतका चर्चित कलाकारहरुको प्रस्तुति रह्नेछ । महोत्सवमा सगरमाथा डान्स ग्रुपको समेत जोडदार प्रस्तुति रह्नेछ ।
यस्तै, दर्शकको थप मनोरञ्जनका लागि महोत्सवमा हरेक दिन प्रदेश स्तरीय डान्स आईडल प्रतियोगिता समेत जारी रहेको महोत्सव संयोजक नन्द बहादुर बुढाले जानकारी गराए ।
Advertisement
टिप्पणीहरू