४ पौष, काठमाडौँ । नेपाल वायुसेवा निगमका दुई कर्मचारी निलम्बनमा परेका छन् । नक्कली भिजिट भिसामा विदेश जाने नेपाली नागरिकको कागजात मिलाउने गरेको आरोपमा उनीहरु निलम्बनमा परेका हुन ।
उक्त आरोपमा अनुसन्धानका लागि पक्राउ परेका निगमका अधिकृत होमनाथ पोखरेल र वरिष्ठ सहायक अरविन्द यादव निलम्बनमा परेका हुन् । नेपाल वायुसेवा निगमका प्रवक्ता रमेश पौडेलका अनुसार उनीहरु दुवै जनालाई निलम्बन गरिएको हो । पोखरेल र यादव लिखत सम्बन्धी कसुर मुद्दामा अनुसन्धानका लागि प्रहरीको हिरासतमा छन् ।
Advertisement
मुद्दाको अन्तिम किनारा नलागेसम्म निलम्बन गर्ने वायुसेवा निगमका कर्मचारीको सेवा, शर्तसम्बन्धी नियमावलीको प्रावधान अनुसार दुवैजनालाई निलम्बन गरिएको प्रवक्ता पौडेलले बताए ।
Advertisement
टिप्पणीहरू