राजेन्द्र महतो
१६ भदौ, सिरहा । सिरहामा स्रोत नखुलेको ४४ लाख रुपैयाँ सहित दुई जनालाई प्रहरीले पक्राउ गरेको छ ।
पक्राउ पर्नेहरुमा सिरहा नगरपालिका वडा नं. १७ माडरका ५२ बर्षिय प्रेम कुमार यादब र सोही ठाउँ वडा नं. ७ का ४२ बर्षिय सन्जय कुमार शाह रहेका छन् ।
Advertisement
भारतको जयनगरबाट नेपाल तर्फ आउँदै गरेको भारतीय नम्बर प्लेट बि.आर ७ सि ४२२४ नम्बरको कारलाइ चेकजाँच गर्ने क्रममा कार अगाडिको सिट मुनि राखेर लुकाई छिपाई ल्याएको अवस्थामा रकम सहित उनीहरुलाई सिरहा प्रहरीले पक्राउ गरेको हो ।
पक्राउ परेका दुबै जनालाई थप अनुसन्धान तथा कार्वाहीका लागि राजस्व अनुसन्धान कार्यालय इटहरी पठाइएको जिल्ला प्रहरी कार्यलाय सिरहाले जनाएको छ ।
Advertisement
टिप्पणीहरू