१३ साउन, बाँके । मोहर्रमको शनिवार अन्तिम दिन नेपालगञ्जका विभिन्न स्थानमा राखिएको ताजियालाई धुमधाम संग बिसर्जन गरिएको छ ।
नेपालगञ्ज तथा आसपासका क्षेत्र लागयत तथा गाँउगाँउमा राखिएको ताजियालाई धुमधामसंग बिसर्जन गरेर मोहर्रम पर्वको विदाई गरिएको हो ।
Advertisement
मुस्लिम समुदायको बाक्लो बसोबास रहेको बाँकेमा करोड बढीका ताजिया राखिएको अनुमान गरिएको छ ।
मुस्लिम समुदायले घरघरमा स्थापना गरेका ताजिया सामूहिक रुपमा आज नेपालगञ्ज स्थित रहेका कर्बलामा विर्सजन गरिएको छ । सदभावको शहर नेपालगञ्जमा भने मोहर्रममा केही फरक दृष्यहरु देख्न पाइन्छ । मुस्लिम समुदायको यस पर्वमा हिन्दुहरु पनि सहभागी हुने गर्दछन । हिन्दु समुदायमा पनि ताजिया राख्ने चलनको सुरुवात हुन थालेको बताउँछन ।
Advertisement
इराक स्थित कर्बलामा युद्धका दौरान ७२ जनाले शहादत प्राप्त गरेका शहीदहरुको सम्झनामा बर्षैदेखी नेपालगञ्जमा हरेक वर्ष अरेबिक पात्रो अनुसार नयाँ वर्ष मोहरर्म महिनाको ५ तारीख ढोल- आलम जुलुस, ६ तारीख मेंहदी जुलुस, ७ र ८ तारीख हुसैनी जुलुस मातम र ९ तारीख ताजिया स्थापना गरि १० तारीखका दिन ताजिया बिसर्जन गरि मोहरर्म पर्व सम्पन्न हुने धार्मिक अगुवाहरु बताउँछन् ।
Advertisement
टिप्पणीहरू