३ असोज, काठमाडौँ । आज असोज ३ गते अर्थात संविधान दिवस तथा राष्ट्रिय दिवस, देश भर मनाइँदैछ । २०७२ सालमा आजैको दिन नयाँ संविधान घोषणा भएको थियो ।
२०७२ साल असोज ३ गते तत्कालीन राष्ट्रपति डा. रामवरण यादवले संविधान जारी भएको घोषणा गरेका थिए । आज वर्तमान संविधान घोषणाको एक दशक पुरा भएको छ ।
Advertisement
२०७२ असोज ३ गते राति नयाँ बानेश्वरस्थित तत्कालीन संविधानसभा बैठकस्थल अन्तर्राष्ट्रिय सम्मेलन केन्द्रबाट तत्कालीन राष्ट्रपति डा. यादवले यो संविधानलाई जारी भएको घोषणा गरेका थिए ।
संविधान दिवस–२०८२ लाई विगतमा झैँ विविध कार्यक्रम गरी देशभर मनाइँदैछ । राष्ट्रपति रामचन्द्र पौडेलको प्रमुख आतिथ्यतामा आज बिहान ८ः३० बजे सैनिक मञ्च, टुँडिखेलमा दिवसको मूल कार्यक्रम आयोजना तय भएको छ ।
Advertisement
समारोहलाई प्रधानमन्त्री सुशीला कार्कीले सम्बोधन गर्नेछिन् । अहिलेको विशेष राजनीतिक परिस्थितिमा दिवसका अवसरमा झाँकी लगायत कार्यक्रम भने स्थगन भएका छन् ।
नेपाली जनताको बलिदानीपूर्ण र लामो सङ्घर्षको उपलब्धिस्वरुप संविधानसभाबाट नेपालको संविधान २०७२ असोज ३ गते घोषणा भएको थियो । मुलुकमा भएको दोस्रो संविधानसभाको निर्वाचनपछि गठित संविधानसभाले अथक मेहेनत र लामो विवादपछि ‘नेपालको संविधान, २०७२’ जारी गरेको थियो ।
Advertisement
टिप्पणीहरू