२९ साउन, धनुषा । लागूऔषध कारोबारीलाई चेक गर्दा भाग्न खोजेपछि धनुषा प्रहरीले गोली प्रहार गरी दुई जनालाई पक्राउ गरेको छ ।
पक्राउ पर्नेमा मिथिला नगरपालिका–२ का पप्पु साह र सेली देवी राम रहेका छन् । दुवै जनालाई बुधबार मिथिला नगरपालिका–२ नक्टाझिजबाट प्रहरीले गोली प्रहार गरी नियन्त्रणमा लिएको हो ।
Advertisement
उनीहरूका साथबाट प्रहरीले दुई सय ग्राम ब्राउनसुगर बरामद गरेको जिल्ला प्रहरी कार्यालय धनुषाले जनाएको हो ।
प्रहरीले गोप्य सूचनाका आधारमा बा८७ना ९६७ नंको मोटरसाइकल चेक गर्दा भाग्न खोजेपछि प्रहरीले दुई राउन्ड गोली प्रहार गरेको थियो ।
Advertisement
प्रहरीले एक राउन्ड हवाई फायर गर्दा पनि नरोकिएपछि अर्को राउन्ड प्रहार गर्दा पप्पुको खुट्टामा लागेको थियो । घाइतेको जानकी मेडिकल कलेज रमदैयामा उपचार भइरहेको छ ।
Advertisement
टिप्पणीहरू