२३ भदौ, बाँके । बाँकेको नेपालगञ्ज स्थित सिमानाकाबाट जमुनाहबाट ब्राउनसुगर र ट्रामाडोल सहित प्रहरीले एक जनालाई नियन्त्रणमा लिएको छ ।
नेपालगञ्ज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिने पदार्थ करिब ३ सय ३० मिलिग्राम र नियन्त्रित लागूऔषध ट्रामाडोल ९ ट्याब्लेट सहित सुर्खेत गुर्भाकोट नगरपालिका-१२ बस्ने २५ वर्षीय सन्तोष सुनारलाई शनिबार दिउँसो प्रहरीले पक्राउ गरेको जिल्ला प्रहरी कार्यालय बाँकेले जनाएको छ ।
Advertisement
इलाका प्रहरी कार्यालय जमुनाह र लागूऔषध नियन्त्रण ब्यूरो नेपालगञ्ज बाँकेबाट खटिएको संयुक्त टोलीले उनलाई नियन्त्रणमा लिएको हो ।
भारतको रूपडिया बजारबाट नेपालगञ्ज तर्फ पैदल आउँदै गरेका अवस्थामा उनलाई उक्त लागूऔषध सहित पक्राउ गरेको प्रहरीले जनाएको हो ।
Advertisement
टिप्पणीहरू