१३ बैशाख, बर्दिया । बर्दियामा लागुऔषध ब्राउन सुगर बिक्री वितरण गर्ने आरोपमा दुई जनालाई प्रहरीले नियन्त्रणमा लिएको छ ।
गए राती करिब ४ बजेको समयमा मधुवन नगरपालिका वडा नं. ७ स्थित लोक बहादुर भण्डारीको घरमा लागु औषध बिक्री वितरण भईरहेको सूचनाको आधारमा इलाका प्रहरी कार्यालय सानोश्रीको टोली खानतलासी गर्न पुगेको थियो ।
घरवतनमा खानतलाशी गर्दा घरमा लुकाई छिपाई राखेको अवस्थामा ३ सय ४० मिलीग्राम (लागु औषध) ब्राउन सुगर जस्तो देखिने खैरो धुलो पदार्थ फेला पारेको जिल्ला प्रहरी कार्यालय बर्दियाका सूचना अधिकारी तुल्सी राम अर्यालले जानकारी गराए ।
Advertisement
उनका अनुसार ब्राउनसुगर सहित २१ वर्षिय लोक बहादुर भण्डारी र १९ वर्षिय सागर आलेलाई उक्त धुलो पदार्थ सहित बरामद गरि नियन्त्रणमा लिएको प्रहरीले जनाएको हो ।
उनीहरुलाई नियन्त्रणमा लिएर आवश्यक कार्वाहीको लागि इलाका प्रहरी कार्यालय ढोढरीमा राखेको प्रहरीले जनाएको छ ।
Advertisement
टिप्पणीहरू