२९ माघ, सुनसरी । सुनसरी प्रहरीले भारतीय नम्बर प्लेटको गाडीबाट झण्डै दुई करोड रुपैयाँका नक्कली नेपाली नोट बरामद गरेको छ ।
इनरुवा नगरपालिका–४ बाट भारतीय बीआर ११ एक्स ३४२९ नम्बरको गाडीमा १ करोड ८२ लाख ५१ हजार नक्कली नोट बरामद गरिएको प्रहरीले जनाएको छ । भण्टावारीबाट इनरुवा तर्फ आइरहेको भारतीय स्कोरपियोभित्र झोलामा राखिएको नक्कली रुपैयाँ सहित सवारी सधान र चालकलाई नियन्त्रणमा लिइएको छ ।
Advertisement
नक्कली नोटसहित एक जना भारतीय नागरिकलाई समेत पक्राउ गरिएको सुनसरीका प्रहरी प्रमुख प्रहरी उपरीक्षक विपिन रेग्मीले जानकारी दिए । ट्राफिक प्रहरीको चेकजाँच क्रममा गाडीले चेकिङ छल्न खोजेपछि प्रहरीले खानतलासी गरेको थियो ।
नक्कली नोटहरू झोलामा राखेर, बोराभित्र कोचिएको अवस्थामा भेटिएको प्रहरीले जनाएको छ ।
Advertisement
पक्राउ पर्नेमा गाडीका चालक भारतको वीरपुर घर भएका २२ वर्षीय मोहमद सैयद रहेका छन ।
यसबारे थप अनुसन्धान अघि बढाइएको उनले बताए ।
Advertisement
टिप्पणीहरू