२४ मंसिर, काठमाडौँ । एसिया इन्टरनेट कोअलिसन (एआईसी)ले नेपालमा समाजिक सञ्जालमा प्रतिबन्ध लगाउने नेपाल सरकारको निणर्य प्रति चासो व्यक्त गर्दै आपत्ति जनाएको छ ।
एआईसी सामाजिक सञ्जाल प्लेटफर्महरुको संस्था हो । नेपालमा सामाजिक सञ्जाल नियमन निर्देशिका र सामाजिक सञ्जालमा प्रतिबन्ध लगाउने नेपाल सरकारको निणर्य प्रति आपत्ति जनाएको हो ।
Advertisement
उक्त संस्थाले पाँच दिनअघि प्रधानमन्त्री पुष्पकमल दाहाल ‘प्रचण्ड’ सहित सञ्चार तथा सूचना प्रविधि मन्त्री रेखा शर्मा, सचिव कृष्णबहादुर राउत र नेपाल दूरसञ्चार प्राधिकरणका अध्यक्ष पुरुषोत्तम खनाललाई संयुक्त रूपमा पत्र पठाएको हो ।
एआईसीले नेपाल सरकारलाई पठाएको पत्रमा टिकटकसँगै अरु सामाजिक सञ्जाल एपमा प्रतिबन्ध लगाउनेबारे सरकारको तयारीलाई लिएर आपत्ति जनाएको छ ।
Advertisement
पत्रमा नेपाल सरकारले सामाजिक सञ्जालसँग सम्बन्धित उद्योग र नागरिक समाजसँग आवश्यक छलफल नगरि र तयारीका लागि समय नै नदिइ निर्देशिका र प्रतिबन्ध लगाउने निणर्य लागू गरिएको भन्दै आपत्ति जनाइएको छ ।
उचित कानुनी प्रावधानविना सरकारले टिकटकमा प्रतिबन्ध र अरु एपमा पनि निगरानी थाल्नु अन्तर्राष्ट्रिय अभ्यासविपरीत भएको पत्रमा उल्लेख गरेको छ । एआईसीले सरकारसँग छलफलको लागि समय पनि मागेको छ ।
Advertisement
सन् २०१० मा ईबे, गुगल, नोकिया, स्काइप र याहूले संयुक्त रूपमा स्थापना गरेको यो संस्थाले एसिया प्रशान्त क्षेत्रमा सार्वजनिक नीतिका मुद्दाहरूलाई सम्बोधन गर्न र इन्टरनेट अर्थतन्त्रको विकासलाई सहज बनाउन सरकारी एजेन्सीहरू सँग पहल गर्ने गर्छ ।
यस संस्थाले मुख्यतः एशियामा कार्यरत बडा इन्टरनेट र प्रविधि कम्पनीहरूको एक संघीय संगठन हो । यो संघीय संघले एसियामा काम गर्ने बडा कम्पनीहरूको नाममा वाणी बनाउँदछ ।
Advertisement
यसको मुख्य उद्देश्य डिजिटल अर्थतन्त्रमा वृद्धि, प्रयोगकर्ताको अधिकार र गोपनीयताको संरक्षण, नवानुकूलन र न्यायसम्मित प्रतिस्पर्धामा समर्थन गर्ने नीतिहरूमा सहयोग गर्ने हो ।
यस संघीय संघले सरकार, नीति निर्माताहरू, र अन्य संलग्न दलहरूसँग सम्पर्क गरी, इन्टरनेट सेवा, डाटा गोपनीयता, साइबरसुरक्षा, र अनलाइन सामग्री नियन्त्रणसम्बन्धी नियमन र नीतिहरूमा सहभागी हुन्छ ।
टिप्पणीहरू