१८ चैत्र, काठमाडौँ । वैदेशिक रोजगारीमा जाने श्रमिकको अभिमुखीकरण तालिमका लागि तोकिएकोभन्दा धेरै शुल्क नलिन सेवा प्रदायक संस्थालाई सचेत गराएको छ ।
वैदेशिक रोजगार विभागले मंगलबार एक सूचना जारी गर्दै तोकिएकोभन्दा धेरै शुल्क लिने तालिम प्रदायक संस्थाहरूको इजाजत पत्र स्वतः रद्द गर्ने चेतावनी समेत दिएको छ । अभिमुखीकरण तालिम सञ्चालन कार्यविधि २०७६ मा प्रतिप्रशिक्षार्थी शुल्क ७०० रुपैयाँ मात्र तोकिएको विभागले स्मरण गराएको छ ।
Advertisement
विभाग अनुसार पटक पटक गुनासो प्राप्त भएको र विज्ञप्ति मार्फत शुल्क सम्बन्धि स्पष्ट पार्दै आएको छ ।
केही संस्थाहरूले तोकिएकोभन्दा धेरै शुल्क लिइरहेको गुनासो आएको भन्दै कार्यविधि विपरीत बढी शुल्क लिएको कहीँ कतैबाट जानकारी पाएमा वा गुनासो भएमा विभागमा उजुरी गर्न पनि आग्रह गरेको छ ।
Advertisement
Advertisement
टिप्पणीहरू