२७ असोज, बाँके । नेपालगञ्ज सहित बाँकेका विभिन्न स्थानमा स्थापना गरिएका दुर्गा भवानीको मूर्तिको आज विधिवतरुपमा विसर्जन गरिदैँछ । घटस्थापना देखि स्थापना गरिएका दुर्गा भवानीको मूर्ति विजयादशमी सकिए लगत्तै आज विसर्जन गरिन लागिएको हो ।
नेपालगञ्जमा मात्रै दुई सय बढी दर्गा भवानीको मूर्ति राखिएको छ । नेपालगञ्जका विभिन्न चोक, चौरहा, गल्लीहरुमा दुर्गा भवानीको प्रतिमा (मर्ति) राखेर विधिवत रुपमा पूजाअर्चा पछि आज विसर्जन गर्न लागिएको हो ।
Advertisement
बाँकेमा स्थापना गरिएका दर्गा भवानीको मुर्ति सिधनिया घाट, अगैया, मानखोला लगायतका घाटमा लगेर विसर्जन गरिने तयारी छ ।
ट्रक, ट्याक्टर लगायत सवारीसाधनमा मूर्ति राखेर भब्य रुपमा बाजागाजा र विशाल र्याली सहित विधिवत रुपमा विसर्जन गरिनेछ ।
Advertisement
मूर्ति विसर्जनलाई मर्यादित र शान्तिपूर्ण बनाउन बाँके प्रशासनले ठुलो संख्यामा सुरक्षाकर्मी तैनाथ गर्दै आएको छ । कुनै अप्रिय घटना हुन नदिन नेपालगञ्जमा बाक्लो रुपमा सुरक्षाकर्मी तैनाथ गरिनेछ ।
आज पनि मूर्ति विसर्जनलाई शान्तिपूर्ण बनाउन विशेष सुरक्षा व्यवस्थापन गरिएको बाँके प्रहरीले जनाएको छ ।
Advertisement
बाँकेका प्रमुख जिल्ला अधिकारी खगेन्द्रप्रसाद रिजालका अनुसार विसर्जन रुट सहित जिल्लाभर एक हजार सुरक्षाकर्मी परिचालन गरिएको छ ।
बाँकेमा करिब ७ सय दुर्गा भवानीको मूर्ति स्थापना गरिएको अनुमान छ ।
Advertisement
टिप्पणीहरू