७ असोज, काठमाडौँ । सहकारी ठगी प्रकरणमा पक्राउ परेका गोर्खा मिडिया प्रा.लि.का पूर्वसञ्चालक तथा पूर्व डीआइजी छविलाल जोशीलाई पाँच दिन प्रहरी हिरासतमै राखेर अनुसन्धान गर्न म्याद थप भएको छ ।
जोशीलाई अनुसन्धानका लागि प्रहरी हिरासतमा राख्ने कि नराख्ने भन्ने बहसपछि आज न्यायाधीश चन्द्रकान्त पौडेलको इजलासले पाँच दिनको म्याद थप गरेको जिल्ला प्रहरी कार्यालय कास्कीले जनाएको हो । उनलाई आइतबार प्रहरीले पक्राउ गरेर पोखरा लगेको थियो ।
Advertisement
सहकारी ठगी प्रकरणमा पक्राउ परेका छविलाल जोशीलाई आज प्रहरीले म्याद थपका लागि कास्की जिल्ला अदालतमा उपस्थित गराएको थियो ।
गोरखा मिडियामा रहँदा सहकारीको रकम अपचलन सम्बन्धमा जोशी सहित चार जनालाई दोषी ठहर गर्दै सहकारी छानवीन संसदीय समितिले सिफारिस गरेको थियो । समितिको सिफारिस कार्यान्वयन गर्ने क्रममा जोशी पक्राउ परेका हुन ।
Advertisement
टिप्पणीहरू