६ असोज, कपिलवस्तु । कपिलवस्तुको कृष्णनगरबाट गोली लोड गरेको रिभल्वर र खोका सहित दुई जनालाई प्रहरीले पक्राउ गरेको छ ।
कृष्णनगर नगरपालिका-८ सानो गणेशपुर चोकबाट मेड इन कानपुर लेखिएको पाँच राउण्ड गोली लोड गरेको सानो रिभल्वर र गोलीको खोका सहित दुई जनालाई शुक्रबार साँझ प्रहरीले पक्राउ गरेको हो ।
Advertisement
पक्राउ पर्नेहरूमा भारत उत्तर प्रदेश पिपरागाउँ वस्ती बस्ने ३२ वर्षीय प्रितम कुमार र २५ वर्षीय सुरज दुवेदी रहेका जिल्ला प्रहरी कार्यालय कपिलवस्तुले जनाएको छ ।
इलाका प्रहरी कार्यालय बहादुरगञ्जबाट खटिएको प्रहरीले चन्द्रौटाबाट कृष्णनगर तर्फ जाँदै गरेको युपि ५१ एम ०५३६ नम्बरको मोटरसाइकलमा सवार उनीहरूलाई उक्त रिभल्वर सहित फेला पारी पक्राउ गरेको हो ।
Advertisement
उनीहरुलाई पक्राउ गरेर थप आवश्यक अनुसन्धान गरीरहेको कपिलवस्तु प्रहरीले जनाएको छ ।
Advertisement
टिप्पणीहरू