१२ साउन, बाँके । प्रत्येक वर्ष झै यस वर्ष पनि नेपालगञ्जमा भब्य रुपमा गाईजात्रा मनाईने भएको छ ।
नेपाली पात्रो अनुसार यस वर्ष भदौ ४ गते मंगलबार गाईजात्रा (सापारु) परेको छ ।
Advertisement
नेवाःपुचः बाँकेको आज बसेको कार्यसमिति बैठकले गाईजात्रा अर्थात सापारु धुमधानका साथ मनाउने निणर्य गरिएको सचिव विवेक कुमार श्रेष्ठले जानकारी गराए ।
जितेन्द्र कुमार जोशीको अध्यक्षतामा आजको बैठक बसेको थियो ।
Advertisement
नेपालगञ्जमा गाईजात्रा पर्वलाई भब्य बनाउन बाँके जिल्लाका सम्पुर्ण नेवा गुठि संघ संस्थासंग साथ र सहयोग संगै सुझाव लिएर अगाडी बढने अध्यक्ष जोशीले बताए ।
सचिव श्रेष्ठका अनुसार उक्त बैठकले गाईजात्रा पर्व भब्य रुपमा सम्पन्न गराउन नेवाःपुचः बाँकेका उपाध्यक्ष हरिश चन्द्र श्रेष्ठलाई सर्वसम्मत रुपमा जिम्मेवारी दिएको छ ।
Advertisement
बाँके जिल्लामा विभिन्न समयमा आफ्नो कालगतिले मृत्यु भएको परिवारलाई गाईजात्रा पर्व मनाउन संयोजकका जिम्मेवारी पाएका उपाध्यक्ष श्रेष्ठलाई सम्पर्क गर्न अनुरोध गरिएको छ ।
Advertisement
टिप्पणीहरू