१८ जेठ, बाँके । दाङमा अटोरिक्सा र मोटरसाइकल ठोक्किँदा दुई जनाको मृत्यु भएको छ भने एक जना गम्भीर घाइते भएका छन् ।
तुलसीपुर-२ कुमलगडी स्थित कुमलगडीबाट तुलसीपुर तर्फ आउँदै गरेको रा १ह ४०९६ नम्बरको अटो र विपरीत दिशाबाट जाँदै गरेको रा७प २५० नम्बर मोटरसाइकल एकापसमा ठोक्किएका हुन् ।
Advertisement
मोटरसाइकल चालक बबई गाउँपालिका-४ निवासी ३० वर्षीय राजेश भण्डारी र मोटरसाइलमा सवार ३१ वर्षीय साकार केसीको मृत्यु भएको इलाका प्रहरी कार्यालय तुलसीपुरले जनाएको हो । उपचारका क्रममा उनीहरूको मृत्यु भएको हो ।
यस्तै, दुघर्टनामा परी दाङ शान्तिनगर-७ खैरेनीका ४३ वर्षीय रुद्रबहादुर थापा (अटोचालक) गम्भीर घाइते भएका छन् । उनको उपचारको लागि नेपालगञ्ज ल्याइएको छ ।
Advertisement
टिप्पणीहरू