४ बैशाख, बर्दिया । बर्दियाको बढैयाताल गाँउपालिकाबाट लागुऔषध सहित एक जनालाई प्रहरीले पक्राउ गरेको छ ।
रुकुम पश्चिम सानो भेरी गाँउपालिका-०६ कोत गाउँ बस्ने बर्ष अन्दाजी ३० को तिलक पुनलाई लागुऔषध चरेस सहित बर्दिया प्रहरीले पक्राउ गरेको हो ।
Advertisement
आज बिहान ८ बजेको समयमा ईलाका प्रहरी कार्यालय मैनापोखरबाट प्रहरी निरीक्षकको कमाण्डमा खटिएको प्रहरी टोलीले बिशेष सूचनाको आधारमा उनलाई चरेस सहित नियन्त्रणमा लिएको जिल्ला प्रहरी कार्यालय बर्दियाका सूचना अधिकारी तुल्सी राम अर्यालले जानकारी गराए ।
प्रहका अनुसार बढैयाताल गाँउपालिका वडा नं. ६ बस्ने झुप बहादुर बि.क को घरमा भाडामा बस्दै आएका पुनको कोठाहरु खानतलासी गर्दा लुकाई छिपाई राखेको अवस्थाम ४ केजी सय ग्राम लागु औषध चरेस जस्तो देखिने कालो पदार्थ फेला परेको हो ।
Advertisement
उक्त लागुऔषध बरामद गरी पुनलाई नियन्त्रणमा लिएर ईलाका प्रहरी कार्यालय मैनापोखरमा राखी थप अनुसन्धान गरिरहेको प्रहरीले जनाएको छ ।
Advertisement
टिप्पणीहरू