१७ चैत्र, इलाम । इलामको रोङ गाउँपालिका-३ कोल्बुङ स्थितमा ट्रयाक्टर दुर्घटना हुँदा एक जनाको मृत्यु भएको छ ।
गए राती साढे ९ बजे कोल्बुङबाट मार्सेतर्फ जादै गरेको मे.१ त २४०८ नम्बरको ट्याक्टर आफै अनियन्त्रित भई सडकबाट करिव ३० मिटर तल झरेर दुर्घटना भएको थियो ।
Advertisement
ट्याक्टरमा सवार इलाम नगरपालिका-४ का १७ बर्षीय रञ्जित लिम्बुको घटनास्थलमा नै मृत्यु भएको कोशी प्रदेश प्रहरी प्रवक्ता एवं प्रहरी उपरीक्षक सुमन कुमार तिम्सिनाले जानकारी दिए ।
घटनामा संलग्न ट्याक्टर चालक २६ बर्षीय मनोज राईलाई इलाका प्रहरी कार्यालय पशुपतिनगरले नियन्त्रणमा लिई घटना सम्वन्धमा थप अनुसन्धान गरिरहेको प्रवक्ता तिम्सिनाले जानकारी गराए ।
Advertisement
टिप्पणीहरू