६ चैत्र, काठमाडौँ । प्रमुख प्रतिपक्षी दल नेपाली कांग्रेसले सहकारी ठगी प्रकरणमा उपप्रधान एवं गृहमन्त्री रवि लामिछानेको संलग्नता बारे संसदीय छानबिन समितिको माग गरेको छ ।
सहकारी ठगीमा लामिछानेको संलग्नता नरहेको प्रधानमन्त्री पुष्पकमल दाहाल (प्रचण्ड)को जवाफ प्रति असन्तुष्ट कांग्रेसले संसदीय छानबिनको माग गरेको हो ।
Advertisement
मंगलवार प्रतिनिधिसभामा कांग्रेसका प्रमुख सचेतक रमेश लेखकले लामिछाने विरुद्ध यस्तो माग गरेका हुन ।
‘प्रधानमन्त्रीले रविविरुद्ध कुनै प्रमाण छैन भन्नु भएको छ, हामी पर्याप्त प्रमाण छ अत्यन्त ज्यादा प्रमाण छ भनिरहेका छौं । यसको छिनोफानो कसले गर्ने त ? संसदको अभ्यासमा भएको, संसदीय मान्यतामा स्थापित भएको यही सदन भित्र छानबिन समिति गठन गरौं ।’
Advertisement
‘प्रधानमन्त्रीले कांग्रेसले संसदीय काम प्रभावित गरेको आरोप लगाउनु भयो । संसदको कामलाई अवरुद्ध गरेका छैनौँ, यसरी गम्भीरतापूर्क कुरा उठाउँदा सरकारले सुनेन भने सरकार आफैँले संसद् अवरुद्ध गरेको मानिने छ । संसदभित्र निष्पक्ष छानबिनको वातावरण सुनिश्चित गरौँ ।’
Advertisement
टिप्पणीहरू