२७ कार्तिक, बाँके । नयाँ वर्ष नेपाल संवत ११४४ को उपलक्ष्यमा कार्तिक २८ गते नेपालगञ्जमा भिन्तुना शुभकामना अदानप्रदान तथा र्याली आयोजना गरिने भएको छ ।
न्हुदँया भिन्तुना नेपाल संवत ११४४ को अवसरमा शुभकामना कार्यक्रम तथा मोटरसाईकल प्रर्दशन हुने भएको हो ।
Advertisement
नेवाः पुच: बाँकेको आयोजनामा मंगलबार गणेशमान चोक देखि र्याली शुरु हुने सचिव विवेक कुमार श्रेष्ठले जानकारी दिए ।
उनका अनुसार गणेशमान चोकबाट मंगलबार बिहान ७ बजेर ३० मिनेटमा उक्त र्याली सुरु हुने र नेपालगञ्जको विभिन्न स्थानको परिक्रमा गरेर पुनः भृकुटीनगर पुगेर शुभकामना आदनप्रदान गर्ने र जलपान कार्यक्रम रहेको छ ।
Advertisement
नेवाः पुचः बाँके गठन भएपछि समिति सक्रिय हुँदै भेषभुषा, भाषा, कला, संस्कृतिको जगेर्नाका लागि तालिम तथा संगठन बिस्तारका कार्यक्रमहरु गर्दै आएको छ ।
यस वर्ष नयाँ वर्ष ११४४ को शुभ साइत लक्ष्मी पूजा कार्तिक २७ गते सोमबार रहेको थियो । बेलुकी ९ः१२ देखि १०ः४२ सम्म लाभ बेला, महा पूजा कार्तिक २८ गते मंगलबार समय बेलुकी ६ः४१ देखि ८:१० सम्म लाभ बेला रहेको छ । यस्तै किजा पूजा कार्तिक २९ गते बुधबार गरिने भएको छ । समय बिहान ६ः५ देखि ९ः२५ सम्म लाभ, अमृत बेला र त्यसपछि ११ः१५ देखि १२ः४५ सम्म शुभ बेला रहेको जनाईएको छ ।
नेपाल संवत काठमाडौँ उपत्यका र उपत्यका बाहिर नेवारी समुदायको बसोबास भएका स्थानमा मनाईदै आईरहेको यो नेपालको मौलिक संवत हो । राष्ट्रिय विभूति शंखधर साख्वाःले देशभरका जनतालाई ऋणबाट मुक्त बनाएर चलाएको संवत नेपाल संवतको रुपमा रहेको छ ।
Advertisement
कार्तिक शुक्ल पक्षका दिन नेपाल संवतको पहिलो दिन हो । यो संवत भक्तपुरका राजा राधव देवको पालादेखि चन्द्र शमशेरको पालासम्म सरकारी चलनमा रहेको थियो । नेपाल सरकारले यो संवतलाई आधिकारीक मान्यता दिएको छ । नेवारी समुदायमा यसको प्रयोग धेरै भईरहेको पाईन्छ ।
पछिल्लो सयममा अन्य समुदायले पनि मनाउन लागेपछि यसको महत्व बढेको सचिव श्रेष्ठले जानकारी दिए । उनले नेपाल संवतको अवसरमा आयोजना गर्न लागिएको उक्त कार्यक्रममा सबैलाई उपस्थित भई भब्य रुपमा सम्पन्न गराउन अनुरोध गरेका छन ।
Advertisement
टिप्पणीहरू