२७ कार्तिक, मोरङ । मोरङको उर्लाबारीमा एक सुन पसलमा आगलागी हुँदा प्रहरी सहित कम्तीमा २२ जना घाइते भएका छन ।
उर्लाबारी नगरपालिका- ७ मा दीपक कार्कीको घरमा सञ्चालित सुन पसलमा आइतवार राति आगलागी भएको हो ।
Advertisement
लक्ष्मीपूजा गर्दा सल्किएको आगो निभाउन जाने क्रममा प्रहरी र स्थानीय सहित २२ जना घाइते भएको मोरङ प्रहरीले जनाएको छ । जसमा उर्लावारीमै कार्यरत ४ जना प्रहरी छन् ।
घाइतेहरूमध्ये १० जनाको झापाको बिर्तामोडमा उपचारका लागि पठाइएको छ । यस्तै नौ जनाको विराटनगर, २ जनाको उर्लाबारीकै गोदावारी तथा १ जनाको अरनिको अस्पतालमा उपचार भइरहेको छ ।
Advertisement
सुन पसलभित्र आगलागी भएपछि सटर खोल्दा आगोको मुस्लोले लागेर उनीहरू घाइते भएका बताइएको छ ।
करिब ३ घण्टाको प्रयास पछि मध्यरात १२ बजे आगलागी नियन्त्रणमा आएको थियो ।
Advertisement
– लाेकान्तरबाट
Advertisement
टिप्पणीहरू