८ फाल्गुन, बाँके । सशस्त्र प्रहरी बल बढैया बीओपीले शिपरी नजिकै किरननालापुलबाट प्रतिवन्धित भारतीय ब्रोइलर कुखुरा बरामद गरेर नष्ट गरेको छ ।
सशस्त्र प्रहरी बल नेपालको प्रस्तावित सीमा सुरक्षा बढैया बीओपीबाट सशस्त्र प्रहरी निरीक्षक टिका राम गोसाईको कमाण्डमा खटिएको सशस्त्र प्रहरीको गस्ती टोलीले जानकी गाउँपालिका वडा नम्बर १ स्थित शिपरी क्षेत्रबाट प्रतिवन्धित भारतीय ब्रोइलर कुखुरा बरामद गरेको हो ।
Advertisement
सशस्त्र प्रहरीले सोमबार दिउँसो ३ बजेको समयमा भारतबाट नेपालतर्फ चारवटा नेपाली नम्बर मोटरसाइकलमा राखेर ल्याउदै गरेको अवस्थामा करीव ४८ हजार मूल्य बराबरको कुखुरा बरामद गरी नष्ट पारेको हो ।
सशस्त्र प्रहरीले प्रतिवन्धित भारतीय कुखुरा ओसार्न प्रयोग गरिएको चार वटा नेपाली नम्वरको मोटरसाइकल समेत बरामद गरेको छ ।
Advertisement
मोटरसाईकल चालक भने सशस्त्र प्रहरीलाई देख्नासाथ फरार भएका थिए । बरामद गरिएको कुखुरा सशस्त्र प्रहरी बल बढैया बीओपीको कम्पाउन्ड भित्र ल्याएर खाल्डो खनेर स्थानीय जनप्रतिनिधी, प्रहरी र पत्रकारको रोहबरमा नष्ट गरिएको सशस्त्र प्रहरी निरीक्षक गोसाईले जानकारी दिए ।
बरामद गरिएको मोटरसाइकल नेपालगञ्ज भंसार कार्यालयमा पठाइएको छ ।
Advertisement
टिप्पणीहरू