९ मंसिर, बर्दिया । बर्दियाको गुलरियामा गएराति एक घरमा आगलागी हुँदा चार जनाको ज्यान गएको छ भने एक जना घाइते भएका छन ।
गुलरिया नगरपालिका-४ तुलापुर स्थित भरत चन्दको ईट्टामाटो र टायलले छाएको घरमा आगो ताप्ने क्रममा एक्कासी आगलागी भएको खबर प्राप्त हुन साथ उद्दारका लागि पुगेकाे जिल्ला प्रहरी कार्यालय बर्दियाले जनाएको छ ।
Advertisement
गएराति करिब १० बजेर २० मिनेटको समयमा आगलागी हुँदा दुई वर्षका कार्तिक चन्द, ८ वर्षका कृष चन्द, १० वर्षकी मानषी बुढा र ३५ वर्षकी राधा बुढाको ज्यान गएको सूचना अधिकारी तुल्सीराम अर्यालले जानकारी दिए ।
घाइते २८ वर्षकी करिष्मा चन्दलाई उपचारका लागि अस्पताल लगिएको जिल्ला प्रहरी कार्यालय बर्दियाका डीएसपी अर्यालले बताए ।
Advertisement
घटनाको जानकारी हुन लगत्तै तत्काल नेपाल प्रहरी, सशस्त्र प्रहरी तथा स्थानीयको सहयोगमा घाइतेको उद्दार तथा आगो नियन्त्रणमा लिइएको थियो ।
आगलागीबाट घरको एकवटा कोठा पूणर्रुपमा जलेर नष्ट भएको छ । घरमा के कारणले आगलागी भयो भन्ने विषयमा अनुसन्धान भइरहेको अर्यालले जानकारी गराए ।
Advertisement
टिप्पणीहरू