२ भदौ, कैलाली । कैलालीको डिभिजन वन कार्यालयका वरिष्ठ वन अधिकृत पूर्ण शङ्कर यादव विरुद्ध भ्रष्टाचार मुद्दा दायर भएको छ ।
घुस सहित पक्राउ परेका यादव विरुद्ध आज विशेष अदालत काठमाडौँमा मुद्दा दायर गरेको अख्तियारका प्रवक्ता राजेन्द्रकुमार पौडेलले जानकारी गराए ।
Advertisement
कैलाली जिल्ला चुरे गाउँपालिका वडा नम्बर ६ मा रहेको ग्वासी सामुदायिक वनको घाटगद्दी गरिएको काठको छोडपुर्जीका लागि सेवाग्राहीसँग ७ लाख ३१ हजार रुपैयाँ घुस लिएको पुष्टि भएसँगै मुद्दा दायर गरेको प्रवक्ता पौडेलले बताए ।
रकम लिइसकेको अवस्थामा यादवलाई अख्तियारको कञ्चनपुर कार्यालयबाट खटिएको टोलीले पक्राउ गरेको थियो ।
Advertisement
टिप्पणीहरू