२४ असार, काठमाडौँ । केहीदिन यता भएको अविरल वर्षाका कारण आएको बाढी पहिरोमा परेर हाल सम्म ७० जनाले ज्यान गुमाएका छन् ।
जेठ २८ देखि आज बिहानसम्म बाढीपहिरोमा परेर ७० जनाको मृत्यु भएको केन्द्रीय प्रहरी कार्यालयले जनाएको छ ।
Advertisement
यस्तै ८६ जना घाइते र पाँच जना बेपत्ता भएका छन । केन्द्रीय प्रहरी प्रवक्ता एवं प्रहरी नायब महानिरीक्षक दानबहादुर कार्कीका अनुसार घाइतेहरुको स्थानीय अस्पतालमा उपचार भइरहेको छ ।
यस अवधिमा बाढीपहिरोको नौ सय ६६ घटना घटेका छन् । यी मध्ये ८६ घरमा क्षति पुगेको र तीन सय ३५ पशु चौपायाको मृत्यु भएको छ ।
Advertisement
उक्त अवधिमा चार हजार सात सय ९० प्रहरी बाढीपहिरोमा परिचालन गरिएको र रु नौ करोड ५६ लाख ७४ हजार दुई सय ५० मूल्य बराबरको क्षति पुगेको प्रहरी प्रधान कार्यालयले जनाएको छ ।
Advertisement
टिप्पणीहरू