१२ जेठ, भोजपुर । भरुवा बन्दुक प्रहार गरी हत्या गरेको आरोपमा एक जनालाई प्रहरीले पक्राउ गरेको छ ।
भोजपुरको टेम्केमैयुङ गाउँपालिका-४ नागीका ६५ बर्षीय मणी प्रसाद राईलाई प्रहरीले पक्राउ गरेको हो । शुक्रबार बेलुका साढे ६ बजे बाख्राले बाली खाएको बिषयमा वाद विवाद हुँदा मणी प्रसाद राईले छिमेकी ६३ बर्षीय राज कुमार राईलाई भरुवा बन्दुक प्रहार गर्दा राज कुमार राईको घटना स्थलमा नै मृत्यु भएको थियो ।
Advertisement
घटनाको जानकारी प्राप्त हुनासाथ तत्काल इलाका प्रहरी कार्यालय दिल्पाबाट खटिएको प्रहरी टोलीले राईलाई घटनामा प्रयोग भएको भरुवा भन्दुक सहित नियन्त्रणमा लिएको छ ।
घटना सम्बन्धमा जिल्ला प्रहरी कार्यालय भोजपुरबाट अन्य थप अनुसन्धान भईरहेको छ ।
Advertisement
टिप्पणीहरू