२८ बैशाख, नवलपरासी । ट्याक्टर दुर्घटना हुँदा एक जनाको मृत्यु भएको छ भने एक जना गम्भिर घाईते भएका छन ।
पश्चिम नवलपरासीको सुस्ता गाउँपालिका वडा नं.३ कुडियाबाट रतनगंज तर्फ जादै गर्दा लु ३ त २८४ नम्बरको ट्याक्टर अनियन्त्रित भइ बाटोको छेउमा पल्टिदा सुस्ता – ५ तरैनी बस्ने १५ बर्षिय गोलु(रोहित) कम्करको मृत्यु भएको छ । टाउकोमा चोट लागेर गम्भीर घाइते भएका कंकरको उपचारका लागि जिल्ला अस्पताल परासीमा लगेपछि डाक्टरले मृत्यु घोषणा गरेको थियो ।
Advertisement
यस्तै, ट्याक्टर चालक सुस्ता गाउँपालिका वडा नं. ४ नर्सही बस्ने अन्दाजी २१ बर्षिय सुकई मल्लाह गम्भीर घाइते भएका छन ।
घाइते मल्लाहलाई पृथ्वी चन्द्र अस्पताल परासीबाट थप उपचारको लागि मेडिकल कलेज भैरहवा पठाईएको जिल्ला प्रहरी कार्यालयका सुचना अधिकारी प्रहरी नायव उपरीक्षक रेशम बोहराले जानकारी दिए ।
Advertisement
टिप्पणीहरू