एमाले-माओवादीको गठबन्धन माघ महिना कट्दैनः गगन थापा

८ बैशाख, काठमाडौँ । नेपाली कांग्रेसका महामन्त्री गगन थापाले एमाले-माओवादीको गठबन्धन आगामी माघ महिना नकट्ने दाबी गरेका छन् ।

इलाममा आयोजित चुनावीसभालाई सम्बोधन गर्दै उनले चुनावको अगाडि गठबन्धन जनतालाई धोका, बेईमानी, मतदाताको स्वतन्त्रताको अपमान रहेको बताएका छन । त्यसैले चुनाव अगाडि गर्ने गठबन्धनलाई हाई हाई होईन बाई बाई गर्नुपर्ने उनले बताएका छन । उनले चुनावअघिको गठबन्धनलाई अब बिदा गर्नुपर्ने टिप्पणी व्यक्त गरेका छन ।

Advertisement

उनले भने, ‘इलामको यो चुनाव गठबन्धनको राजनीतिक भविष्यसँग जोडिएको छ । चुनावमा गठबन्धनको राजनीति गलत हो भन्ने इलामले स्थापित गर्नुपर्छ । हामीले यसअघि गठबन्धन गरेर चुनाव लडेको हुनाले आगामी निर्वाचन सँग सँगै रहन चाहन्थ्यौं । तर, हाम्रो चाहनाले मात्रै भएन । आज एमाले र माओवादी जोडिएर फेरि आउनुभएको छ । आज वैशाख ८ गते म यहाँ उभिएर भन्दैछु, यो अहिलेको गठबन्धनले २०८१ को माघ कटाएछ भने म तपाईंहरूकै अघि उभिएर जवाफ दिन आउनेछु ।’

Advertisement