२० चैत्र, झापा । झापाको गौरिगञ्ज गाउँपालिका-१ स्थितबाट ट्याक्टर चोरीमा संलग्न एक जनालाई प्रहरीले पक्राउ गरेको छ ।
सोमबार बिहान स्थानिय होम थपलियाले आफ्नै घर अगाडी पार्किङ गरि राखेको मे. १ त ७७६५ नम्बरको ट्याक्टर चोरी भएको थियो ।
Advertisement
चोरी भएको ट्याक्टर खोजतलासमा खटिएको प्रहरी चौकी कुञ्जिवारीको प्रहरी टोलीले सोहि दिन दिउँसो साढे ११ बजे गौरादह नगरपालिका–९ का ३५ बर्षीय सुनिल टुडुले भारततर्फ लादै गरेको अवस्थामा ट्याक्टर फेला पारी उनलाई नियन्त्रणमा लिएको कोशी प्रदेशका प्रहरी प्रवक्ता सुमन कुमार तिम्सिनाले जानकारी दिए ।
प्रवक्ता तिम्सिनाले घटना सम्बन्धमा थप अनुसन्धान भईरहेको बताएका छन ।
Advertisement
टिप्पणीहरू