२८ मंसिर, बारा । बारा जिल्लामा घटेका घटनाको सत्य तथ्य सूचना सही समयमा सञ्चारकर्मीहरुलाई उपलव्ध नहुने, सञ्चारकर्मीले आधिकारिकताका लागि सम्पर्क गर्दा प्रहरी प्रमुख एवं प्रवक्ताले फोन नउठाउने जस्ता गतिविधि पछिल्लो समय देखिदै आएको जनाउँदै प्रेस युनियन बारा शाखाले घोरभत्र्सना गरेको छ ।
प्रेस युनियन बाराका अध्यक्ष श्यामबाबु प्रसाद यादवले एक प्रेस विज्ञप्ति जारी गर्दै भने, ‘यसको पछिल्लो उदाहरण मिति २०८० मंसिर २७ गते सिम्रौनगढ घटनालाई लिन सकिन्छ ।’
Advertisement
समाचारको आधिकारिताका लागि जिल्ला प्रहरी कार्यालय, बारा पुगेका सञ्चारकर्मीहरु माथि बारा प्रहरी प्रमुख सुरेशप्रसाद काफ्लेले गरेको दुव्यवहार प्रति नेपाल प्रेस युनियन, बारा शाखा घोरभत्र्सना गरेको छ ।
नेपाल प्रहरीले जिल्लामा रहेको प्रहरी नायव उपरिक्षकलाई सूचना अधिकारीका रुपमा कार्य गर्न भनेता पनि बाराका सूचना अधिकारी एवं प्रहरी प्रवक्ता दधिराम न्यौपानेले सही समयमा कुनै पनि सूचना नदिने, सञ्चारकर्मीको फोन नउठाउने लगायतका कार्यले सही सूचना सम्प्रेषणमा कठिनाई भईरहेको अध्यक्ष यादवले बताए ।
Advertisement
‘जिल्लामा केही महिना देखि शान्ति सुरक्षाको अवस्था खस्किदै गईरहेको विगतका घटनाबाट देखिन आएको उल्लेख गर्दै पछिल्लो समय राज्यबाट र गैर राज्य पक्षबाट विभिन्न घटना भईरहदा त्यस्ता घटनाको वास्तविकता र आधिकारिकता प्रहरी प्रशासनमा निहित रहन्छ ।’ विज्ञप्तिमा भनिएको छ ।
पत्रकारहरुले सही समयमा सूचना नपाउदा विभिन्न किसिमका समाचारहरु प्रकाशित प्रशारित हुँदा त्यसबाट पिडित पक्ष र राज्यपक्षलाई नै क्षति हुने देखिन्छ ।
Advertisement
सही सूचना पाउने नैर्सिग अधिकारलाई कुण्ठित गर्ने काम प्रहरी प्रशासनबाट नगर्न प्रेस युनियन, बारा माग गरेको छ ।
जिल्ला प्रहरी कार्यालयमा बुधबार प्रहरी प्रमुखबाट नै भएको घटनाले पत्रकारहरु मर्माहित बन्दै गर्दा यस्ता आफ्ना बानी व्यहोरा र आचरण सुधार गर्न समेत विज्ञप्ति मार्फत युनियनले ध्यानाकर्षण गराएको छ ।
Advertisement
टिप्पणीहरू