१४ मंसिर, मकवानपुर । मकवानपुरको एक पुलमा मोटरसाइकल दुर्घना हुँदा एकै परिवारका तीन जनाको ज्यान गएको छ ।
मकवानपुरगढी गाउँपालिका-२ धवाडी पुलमा दुर्घटना हुँदा मोटरसाइकल चालक मकवानपुरगढी-२ का ३५ वर्षीय भीमबहादुर स्याङतान, मोटरसाइकलको पछाडि बस्ने उनकी श्रीमती ३४ वर्षीया रुपा स्याङतान र पाँच महिने छोरीको ज्यान गएको जिल्ला प्रहरी कार्यालय मकवानपुरले जनाएको छ ।
Advertisement
सुकौराबाट कान्ति लोकपथ तर्फ आउँदै गरेको प्रदेश ३-०२-०१२ प ६९११ नम्बरको मोटरसाइकल आज बिहीवार दिउँसो अनियन्त्रित भएर धवाडी पुल छेउमा दुर्घटना भएको हो ।
प्रहरी नायब उपरीक्षक (डीएसपी) लक्ष्मी भण्डारीका अनुसार दुर्घटनामा परेर आमा र छोरीको घटनास्थलमै ज्यान गएको थियो भने गम्भीर घाइते भएका भीमबहादुरलाई उद्धार अस्पताल हेटौँडा अस्पताल लगिएको थियो । उनको थप उपचारका लागि पुरानो मेडिकल कलेज भरतपुर लैजाँदै गर्दा बाटोमै ज्यान गएको हो ।
Advertisement
मोटरसाइकल सडकबाट तल खसेको थियो ।
Advertisement
टिप्पणीहरू