१२ मंसिर, बाँके । ईलाका प्रहरी कार्यालय मैनापोखर, बर्दियामा कार्यरत प्रहरी नायब निरीक्षक पवन साउदलाई घुस रकम सहित अख्तियारले नियन्त्रणमा लिएको छ ।
बर्दियाको बढैयाताल गाउँपालिका वडा नं. ६ मैनापोखर स्थित ईलाका प्रहरी कार्यालयमा कार्यरत प्रहरी नायब निरीक्षक पवन साउदले लागू औषधको मुद्दा मिलाइदिने कार्यमा सहजीकरण गरिदिने प्रयोजनको लागि सेवाग्राही सँग घुस/रिसवत माग गरेको अख्तियार दुरुपयोग अनुसन्धान आयोगका सूचना अधिकारी भोला दाहालले जानकारी गराए ।
Advertisement
उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, बुटवल, सम्पर्क कार्यालय नेपालगञ्जबाट खटिएको टोलीले साउदलाई नियन्त्रणमा लिएको हो ।
प्रहरी नायब निरीक्षक साउदलाई सेवाग्राहीबाट तीस हजार रुपैयाँ घुस लिइसकेको अवस्थामा उक्त रकम सहित ईलाका प्रहरी कार्यालयको मुद्दा शाखाबाट आज नियन्त्रणमा लिएको हो । उनलाई नियन्त्रणमा लिएर थप अनुसन्धान भइरहेको छ ।
Advertisement
टिप्पणीहरू