२५ असोज, काठमाडौँ । साथीलाई पेट्रोल छर्किएर आगो लगाएर फरार रहेका एक जना पक्राउ परेका छन् ।
असोज २२ गते ललितपुर स्थित ग्वार्कोको एसबी ह्याण्ड ग्राफीमा काम गर्ने सुवास विकले सँगै काम गर्ने अरुण विकलाई पेट्रोल छर्किएर आगो लगाउँदा उनी सहित तीन जना घाइते भएका थिए ।
Advertisement
पर्सा घर भएका सुवासले सोही ठाउँका अरुणलाई आगो लगाएर फरार भएका थिए । उनलाई मंगलबार बिहान सुन्धाराबाट काठमाडौं उपत्यका अपराध अनुसन्धान कार्यालय मिनभवनले पक्राउ गरेको प्रवक्ता प्रहरी उपरीक्षक रवीन्द्र रेग्मीले जानकारी दिए ।
उनलाई थप अनुसन्धानका लागि ललितपुरको प्रहरी वृत्त सातदोबाटो पठाइएको अनुसन्धान कार्यालयका पठाइएको छ । घाइते भएका तीन जनाको अहिले किर्तिपुर बर्निङ अस्पतालमा उपचार भइरहेको छ ।
Advertisement
टिप्पणीहरू