२६ साउन, बाँके । बाँकेको नेपालगञ्ज स्थित धम्बोझीबाट प्रहरीले अवैध रुपमा भित्र्याइएको लाखौंको सामान बरामद गरेको छ ।
नेपालगञ्ज उपमहानगरपालिका वडा नं. १ धम्बोझीमा पिकअप चेकजाँच गर्दा भारतबाट अवैध रुपमा भित्र्याईएको जुत्ता र चप्पल सहित ढुवानी गर्दा प्रयोग भएको गाडी बाँके प्रहरीले नियन्त्रणमा लिएको हो ।
Advertisement
जिल्ला प्रहरी कार्यालय बाँकेबाट खटिएको प्रहरी टोलीले शंका लागेर पिकअप चेकजांच गर्दा तुलशिपुर उपमहानगरपालिका वडा नं. ९ बस्ने २४ वर्षिय चालक कमल बि.क.ले चलाएको रा.१ ज. ३८१ नं.को बोलेरो पिकअप गाडीमा उक्त सामान बरामद भएको प्रहरीले जनाएको छ ।
भारतबाट अवैध रुपमा भन्सार छली ल्याएको जुत्ता र चप्पल दाङ तर्फ लैजादै गरेको अबस्थामा नियन्त्रणमा लिएको हो । प्रहरी अनुसार बोलेरो पिकअप गाडी सहित करिब नौ लाख २२ हजार दुई सय ५० रुपैँया बराबरको मालसामान बरामद गरिएको हो ।
Advertisement
गाडी सहित उक्त वस्तु आवश्यक कारबाहीको लागि भन्सार कार्यालय नेपालगञ्ज पठाईएको छ ।
Advertisement
टिप्पणीहरू