२८ जेठ, कालीकोट । कालीकोटमा गएराती बोलेरो गाडी दुर्घटना हुदाँ चालक सहित तीन जनाको मृत्यु भएको छ । शुभकालीका गाउँपालिका- ६ को गविरामा शनिबार राति लु १ च ८४९८ नम्बरको बोलेरो गाडी दुर्घटना भएको हो ।
दुर्घटनामा परी बोलेरो चालक शुभकालीका- २ का ३० वर्षीय हर्क बि.क, शुभकालीका- ८ का ३१ वर्षीय रामबहादुर शाही र दैलेख नौमुले- ३ का बर्षका २५ गोपाल सलामी मगरको मुत्यु भएको जिल्ला प्रहरी कार्यालय कालीकोटका प्रमुख डिएसपी जयश्वर रिमालले बताए ।
Advertisement
बेउली पान्तडी सडक खण्डको चौकी बजारबाट हाउडी हुँदै गाउँपालिका कार्यालय तर्फ आउँदै गरेको बोलेरो गाडी दुर्घटना भएको बताइएको छ ।
उद्दारका लागि प्रहरी निरीक्षक यज्ञराज जोशीको टोली घटनास्थल पुगेको जिल्ला प्रहरी कार्यालय कालीकोटले बताएको छ ।
Advertisement
टिप्पणीहरू