९ बैशाख, काठमाडौं । इन्डियन प्रिमियर लिग (आईपीएल) अन्तर्गत शुक्रबार राति भएको खेलमा चेन्नाई सुपर किंग्सले चौंथो जित दर्ता गरेको छ ।
शुक्रबार राति घरेलु मैदान एम ए चितम्बरममा भएको खेलमा चेन्नाईले सनराईजर्स हैदरावादलाई ७ विकेटले पराजित गर्दै चौंथो जित निकालेको हो ।
Advertisement
टस हारेर पहिला ब्याटिङ गरेको हैदरावादले दिएको १ सय ३५ रनको मध्यम लक्ष्य चेन्नाईले १८ दशमलव ३ ओभरमा तीन विकेट गुमाएर भेट्टाएको हो ।
चेन्नाईको जितमा ओपनर डेभन कन्वेले विष्फोटक ब्याटिङ गरे । ५७ बल खेलेका उनले ७७ रनको अर्धशतकीय ईनिङ बनाएका हुन् ।
Advertisement
पहिले ब्याटिङ गरेको हैदरावादले २० ओभरमा ७ विकेट गुमाएर १ सय ३४ रन मात्र बनाएको थियो ।
हैदरावादका लागि अभिषेक शर्माले २६ बलमा ३४ रन बनाए । उसका लागि यो नै सर्वाधिक स्कोर बनेको थियो ।
Advertisement
चेन्नाईका लागि रविन्द्र जडेजाले ३ तथा मथिशा पथिराना, महेश थिक्सना र आकाश सिंहले समान एकएक विकेट हात पारे ।
चेन्नाई ८ अंकसहित लिगको तेस्रो स्थानमा उक्लिएको छ । हैदरावाद तालिकाको नवौं स्थानमा छ ।
Advertisement
– खबरहबबाट
टिप्पणीहरू