९ फाल्गुन, बाँके । सुर्खेतको एक जंगलमा लुकाई छिपाई राखेको सात नाल भरुवा र एक थान बन्दुकको खाली नाल प्रहरीले फेला पारेको जनाएको छ ।
आज बिहाँन जिल्ला प्रहरी कार्यालय सुर्खेतको मातहत अ.प्र.पोष्ट नेटाबाट प्र.स.नि. तारा बहादुर डांगीको कमाण्डमा तीन जनाको प्रहरी टोलीले गस्ती गर्दै जाने क्रममा उक्त बन्दुक फेला पारेको हो ।
Advertisement
जिल्ला प्रहरी कार्यालय सुर्खेतका अनुसार आज बिहान करिब ११ बजेर ५५ मिनेटमा लेखबेशी नगरपालिका ५ स्थित तल्लो कफलेनी भन्ने स्थानमा भेडाखोर जंगलको ढुङ्गाको ओडारमुनी बेबारिसे अबस्थामा लुकाई छिपाई राखेको ७ नाल भरुवा र १ थान बन्दुकको खाली नाल फेला पारेको हो ।
उक्त भरुवा बन्दुक प्रहरीले नियन्त्रणमा लिएर थप आवश्यक अनुसन्धान गरिरहेको जनाएको छ ।
Advertisement
टिप्पणीहरू