१५ चैत्र, बाँके । बाँकेको नेपालगञ्ज उपमहानगरपालिका वडा नं. २३ मा रहेको राष्ट्रिय प्राथमिक विद्यालय जङ्गलीसिंह पूर्वाको व्यवस्थापन समितिका लागि सदस्य चयन गरिएको छ ।
बिहीबार बसेको अभिभावक भेलाबाट राष्ट्रिय प्राथमिक विद्यालय जङ्गलीसिंह पूर्वाको विद्यालय व्यवस्थापन समितिका लागि चार सदस्यीय समिति रर्वसम्मत चयन भएका वडाध्यक्ष जबर अलि बेहनाले जानकारी गराए ।
Advertisement
अभिभावक भेलाबाट पुरुषतर्फ रघुराज विश्वकर्मा, ईस्राफिल दर्जी, महिला तर्फ साकरुन बेहना जामिया शेष सर्वसम्मत रुपमा चयन भएका हुन ।
नगरको शिक्षा शाखाका प्रतिनिधि, विद्यालयका प्रतिनिधि तथा वडाध्यक्ष बेहनाको सहजिकरणमा सदस्य चयन भएका हुन । वडाध्यक्ष बेहनाका अनुसार कारणवस आज अध्यक्षको विषयमा टुंगो नलागेपनि शुक्रबार निर्वाचित सदस्य मार्फत विद्यालय व्यवस्थापन समितिको अध्यक्ष चयन गर्ने तयारी छ ।
Advertisement
वडाध्यक्ष बेहनाले नाईल खबरलाई विद्यालयको स्थिति बारे जानकारी गराउदै भने, ‘यो विद्यालय एकदम नाजुक स्थितिमा छ । गत ३ वर्षको कार्यकालमा केही विकास भएन । विद्यालयको झ्याल, ढोका लगायतका पुर्वाधारहरु व्यवस्थापन गर्नका लागि मैले पटक पटक सहजिकरण गर्न खोजेको भए पनि विद्यालयका पुर्वअध्यक्षले चासो लिएनन् । यो कार्यकालमा एउटा ईट्टा समेत कतैबाट आएन ।’
वडाध्यक्ष बेहनाले वडाभेलाको समापन गर्दै आफु यस विद्यालयको विकासका लागि वडाबाट सक्दो सहयोग गर्ने बताएका छन । उनले विद्यार्थीको लागि झोला, पोशाक, किताब, कापी, कलममा समेत सहयोग गर्ने जिकिर गरेका छन ।
Advertisement
उनले भने, ‘म लगायत यस क्षेत्रका व्याक्तिहरु त्यत्ति पढेलेखेको नभएपनि नयाँ पुस्तालाई पढाई तर्फ आकर्षित गर्न सबै खालको प्रयास गर्नेछु । म चाहन्छु की यस क्षेत्रका बालबालिका पढेर पिछिडिएको यस क्षेत्रको नाम उचाई सम्म लगुन ।’
Advertisement
टिप्पणीहरू