२५ मंसिर, बर्दिया । बर्दियाको ठाकुरबाबा नगरपालिका-९ ठाकुरद्वारा स्थित ठाकुरबाबा मन्दिर परिसर भित्रबाट चोरी भएको सालिग्राम सहित एक जनालाई प्रहरीले पक्राउ गरेको छ ।
मन्दिर परिसर भित्रबाट १ किलोग्राम तौल बराबरको ठूलो सालिग्राम, ३ सय ग्राम बराबरको सालिग्राम ३ थान र २ सय ५० ग्राम पितलको घोडा १ थान सहित सोही नगरपालिका-९ गोब्रेला बस्ने ३४ वर्षीय महेन्द्र बिकलाई सोमबार बिहान प्रहरीले बर्दिया पक्राउ गरेको जिल्ला प्रहरी कार्यालय बर्दियाका सूचना अधिकारी हरि नारायण ओलीले जानकारी दिए ।
Advertisement
उक्त मन्दिरमा चोरी भएको जानकारी प्राप्त हुनासाथ अस्थाई प्रहरी पोष्ट ठाकुरद्वाराबाट खटिएको प्रहरीले अनुसन्धानको क्रममा उनको घर तलासी गर्दा चोरी गरेका उक्त सामान फेला पारी उनलाई पक्राउ गरेको हो ।
उक्त सम्बन्धमा प्रहरीले थप आवश्यक अनुसन्धान गरिरहेको जनाएको छ ।
टिप्पणीहरू