१७ बैशाख, रोल्पा । रोल्पामा जीप दुर्घटना हुँदा एक युवकको मृत्यु भएको छ । मृत्यु हुनेमा गङ्गादेव गाउँपालिका-२ ओइलाम निवासी १५ वर्षीय तिलक वली रहेका प्रहरीले जनाएको छ ।
जिल्ला प्रहरी कार्यालय रोल्पाका प्रहरी उपरीक्षक श्याम सारुमगरले दिएको जानकारी अनुसार तुलसीपुर देखि रोल्पाको गङ्गादेव गाउँपालिका-६ ताप्ला तर्फ आउँदै गरेको लु १ ज ४७५५ नम्बरको डबल क्याप जीप रोल्पाको गङ्गादेव गाउँपालिका-२ हेलुमखोला स्थित दुर्घटना भएको हो । आज बेलुकी साढे ४ बजेको समयमा उक्त दुर्घटना भएको हो ।
Advertisement
जीप ओरालो कच्ची बाटोमा बे्रक फेल र स्टेरिङले काम नगरी सडकबाट करिब तीन सय मिटर तल खसेको थियो ।
जीपमा सवार चालक सहित १० जना मध्ये नौ घाइते भएका छन् । घाइतेलाई तत्काल उद्धार गरी स्थानीय स्वास्थ्य संस्थामा उपचार पछि थप उपचारका लागि दाङतर्फ पठाइएको प्रहरीले बताएको छ ।
Advertisement
टिप्पणीहरू