१० असोज, बाँके । बाँकेको राप्तीसोनारीमा दुई वटा मोटरसाइकल एकआपसमा ठोक्किदा एक जनाको ज्यान गएको छ भने अर्का एक जना घाइते भएका छन ।
राप्तीसोनारी गाउँपालिका स्थित बैजापुरमा आज मध्यान्ह दुई वटा मोटरसाइकल एक आपसमा ठोक्किएका छन । मोटरसाइकल दुर्घटनामा नेपालगञ्ज उपमहानगरपालिका वडा नम्बर १९ आलानगरका ३९ बर्षीय लोक बहादुर बन्शी मगरको मृत्यु भएको हो ।
Advertisement
गम्भीर घाइते भएका बन्शी मगरलाई अस्पताल पुर्याउन लगत्तै चिकित्सकले मृत घोषणा गरेका बुझिएको छ ।
यस्तै, मोटरसाइकल दुर्घटनामा परेर राप्तीसोनारी गाँउपालिका-६ छट्कपुरका २९ बर्षीय राधेश्याम थारु घाइते भएका छन् ।
Advertisement
विपरीत दिशाबाट आइरहेका भे ७ प ४३४० नम्बरको मोटरसाइकल र अर्को भे १२ प ८४२७ मोटसाइकल ठोक्किएको जिल्ला प्रहरी कार्यालय बाँकेले जनाएको छ । दुबै जना मोटरसाइकल चालक हुन ।
प्रहरी अनुसार गम्भीर घाइते थारुको नेपालगञ्ज मेडिकल कलेज शिक्षण अस्पताल नेपालगञ्जमा उपचार भइरहेको छ ।
Advertisement
टिप्पणीहरू